गुरुवार, २७ जानेवारी, २०११

विनोद

पोलीस- (कार चालवणाऱ्याला थांबवून) ‘काय राव. भर चौकातून सिग्नल तोडून चाललाय?’ तो- छे हो! सिग्नल पिवळा होत असतानाच पुढे गेलो.. त्याची पत्नी- (बाजूला बसलेली) काहीतरीच काय? चांगला लाल झालेला.. त्यानं पत्नीकडं रागानं बघितलं. पोलीस- तुमचा मागचा इंडिकेटरपण फुटलाय. तो- अरेच्या मला माहीतच नव्हतं ते. पत्नी- अरे, तूच तर सांगितलंस ना मला तो फुटून आठवडा झाला. पण दुरुस्तीला वेळच मिळाला नाही म्हणून! त्यानं पुन्हा तिच्याकडे दात-ओठ खाऊन बघितलं. पोलीस- साहेब आणि तुमचा सीट बेल्ट पण लावलेला नाहीये. तो- आत्ताच तर तुम्ही कार थांबवतांना काढला मी तो. पत्नी- मी तर तुला कधीच सीट बेल्ट लावलेला पाहिला नाही. तो- (पलीकडे खाऊ की गिळू नजरेनं पाहून) बाई गं, तुझं थोबाड बंद ठेव. पोलीस- (तिला) मॅडम, तुमचे मिस्टर असंच बोलतात नेहमी तुमच्याशी? पत्नी- नाही हो, दारूच्या नशेत असला तरच.

कोणत्याही टिप्पण्‍या नाहीत:

टिप्पणी पोस्ट करा